Жендэрийн цахим сургалтын модуль нь танилцуулга болон "Жендэрийн тэгш байдлын талаарх үзэл баримтлал, үндсэн ойлголт"; "Байгууллага, хамт олныг манлайлахад жендэрийн талаар анхаарах асуудал"; "Жендэрийн тэгш байдлыг хангахад чиглэсэн түншлэл, хамтын ажиллагаа" гэх хэсгүүдээс бүрдэнэ. Цахим сургалтын үндсэн хэсэг нь үе шаттайгаар зохиогдсон тул нэг хэсгийг үзэж дуусган бататгах тест бөглөснөөр дараагийн хэсэг рүү шилжих боломжтой. Дээрх үндсэн хэсгүүдийг судалж дууссаны дараа жендэрийн асуудлаар эзэмшсэн мэдлэг, чадвараа бататган цахим шалгалт өгөх боломжтой болно. Тус шалгалтанд 80-аас дээш хувийн амжилттай үнэлэгдвэл “Төрийн албаны удирдах ажилтнуудад зориулсан жендэрийн цахим сургалт”-д хамрагдсаныг нотлох Ж1 сертификат олгогдох бөгөөд хүсвэл танд цахим шуудангаар илгээх болно.